संसारकै वृद्ध कुकुर !
काठमाडौं । यअसघि संसारको सबैभन्दा वृद्ध कुकुरको रुपमा स्पाइक नामको कुकुर गिनिज बुकमा दर्ज थियो । तर अहिले त्यो भन्दा पनि बुढो कुकुर फेला परेको छ ।
पोर्चुगलमा रहेको बबी नामको कुकुरको उमेर करीब ३१ वर्ष छ । गत १ फेब्रुअरी २०२३ मा बबीको उमेर ३० वर्ष २६६ दिन पुगेको थियो । बबी अहिलेसम्म सबैभन्दा धेरै उमेरसम्म बाँच्ने कुकुर हो ।
पोर्चुगलको लिरिया प्रान्तस्थित कनकिरोज सहरमा एउटा परिवारले सो कुकुर पालेको छ । गाईवस्तुको सुरक्षा गर्ने नश्लको अभिभावक कुकुर हो । राफिलो डो एलनतेजो नश्लको सो कुकुर प्रजातिमा औसत आयु १२ देखि १४ वर्षसम्म हुने गरेकोमा बबी चाहिँ त्यसको दोब्बर भन्दा धेरै बाँचिसकेको छ । लिरिया प्रान्तको लिरिया महानगरपालिका भेटेरेनरी मेडिकल सर्भिसमा यसको जन्मदर्ता रहेको छ । बबीको जन्म सन् १९९२ को मे ११ मा भएको थियो ।
बबीका मालिक ३८ वर्षीय लियोनेल कोस्टाका अनुसार उनका बुवा सिकारी थिए । त्यो बेला लियोनेल ८ वर्षका थिए भने उनीहरुका घरमा धेरैवटा घरपालुवा कुकुर थिए । त्यसैले कुकुरका नयाँ छाउराहरुलाई घरमा पाल्न नसकिने बताएका थिए । त्यसैले घरमा बबी लगायतका धेरै छाउराहरु एकसाथ जन्मिएपछि लियोनेलका बाबुले ती छाउराहरुलाई घरबाट बाहिर निकाले । त्यसबेला लियोनेलकी आमा घरमा थिइनन् । बुवाले कुकुरका धेरै छाउराहरुलाई घरबाट निकालेर अन्तै लगेर छाडिदिँदा लियोनेल र उनका भाइ निकै दुःखी थिए ।
एकदिन लियोनेलकी आमा गिराले आफ्नो घरबाट निकालिएका छाउरामध्ये बबीलाई बाटोमा देखिन् । त्यसपछि उनले बबीलाई घरमा लगेर पाल्ने निधो गरिन् । घरमा ल्याएपछि लियोनेल, उनका भाइ र आमाले त्यसलाई धेरै महिनासम्म लुकाएर राखे । बबीलाई लुकाउने चक्करमा लियोनेल र उनका भाइले धेरै पटक बुवाको पिटाई समेत खाएका थिए ।
तर लियोनेलले त्यत्रो गलफत्ती गरेर पालेको बबीले अहिले इतिहास रचेको छ र कोस्टा परिवारलाई नै गौरवान्वित बनाएको छ । रोचक त के भने उनीहरुलाई अहिलेसम्म बबीलाई साङ्लोले बाँधेका छैनन् र घरभित्र थुनेका पनि छैनन् ।
बबीले करीब १ शताब्दी पुरानो रेकर्ड समेत तोडेको छ । यसअघि अष्ट्रेलियन क्याटल डग ब्लुई सबैभन्दा पाको उमेरसम्म बाँँच्ने कुकुरको रुपमा थियो । सन् १९१० मा जन्मिएको उक्त कुकुर सन् १९३९ मृत्यु हुँदा २९ वर्ष ५ महिनाको थियो ।
– एजेन्सी/Onlinekhabar.com
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


