बहुमूल्य वीर्य भएको संसारकै धनी राँगो, जसले हरेक महिना कमाउँछ ४० लाख

आफ्नो राँगोको वीर्यबाट मासिक लाखौं कमाइ गरिरहेका किसानको नाम हो मोंगकोल मोंगफेट । उक्त बहुमूल्य वीर्यधारी राँगोको नाम बिग बिलियन हो । उनले आफ्नो राँगोलाई विभिन्न प्रदर्शनी तथा प्रतियोगितामा पनि लैजाने गर्दछन्, जहाँ बिग बिलियनले धेरैपटक पुरस्कार जितिसकेको छ ।

मोंगफेटसँगै यस्तै जातका २० वटा राँगा र भैंसी छन् । कलासिन सहरमा बस्ने मोंगकोलका अनुसार बिग बिलियनलाई खरिद गर्न चाहने मानिसको ताँती छ । एक जना किसानले त उक्त राँगोका लागि १२ करोड रुपैयाँ दिने प्रस्ताव गरेका थिए, तर उनले बेचेनन् । मोंगकोलले उक्त राँगो करिब १९ लाख रुपैयाँ मूल्यमा किनेका थिए । तर त्यो राँगाले उसको कुल मूल्यको दुई गुणा रकम त हरेक महिना नै कमाइदिने गरेको छ ।

Onlinekhabar.com/एजेन्सीको सहयोगमा