स्याङ्जा २ : धनराजलाई २४ सय १८ को अग्रता, पद्मा अर्याल निरन्तर पछाडि ।

वालिङ,मङ्सिर १६ गते ।
स्याङ्जा निर्वाचन क्षेत्र नं.२ मतगाणना भईरहेको छ । पछिल्लो नतिजा अनुशार नेपाली कांग्रेसका धनराज गुरुङले अग्रता कायमै राख्नु भएको छ । उहाँले नेकपा नेकपा (एमाले ) की पद्मा कुमारी अर्याललाई २४१८ मतले पछि पार्नु भएको हो ।
कांग्रेसका गुरुङले ११९२० मत पाउनु भएको छ भने एमाले की अर्यालको ९५०२ मत रहेको छ ।
अर्याल निरन्तर पछाडि हुनुहुन्छ । एमालेले आशा गरेको क्षेत्रमा समेत अर्यालले मत पाउन सक्नु भएन ।
स्याङ्जा २ को (क) अन्तर्गत गल्याङ नगरपालिकाको वडा नम्वर ६ र ७ तथा भीरकोट नगरपालिकाको वडा नम्वर ५, ६, ७,८र ९ वालिङको १,२,५,६,७,८,९,१०,११,१२ र१३ नम्वर वडाको मत गणना भईसकेको छ । अव वडा नं १४ मात्र बाँकी रहेको छ ।
यस्तै स्याङ्जा २ मा स्वतन्त्र पार्टीका उम्मेदवार टिकराज गुरुङले ५१९२ मत प्राप्त गर्नु भएको छ ।
प्रतिनिधि सभा तर्फ अहिले सम्म २८५६० मत गणना भएको मा १०८५ मत बदर भएको छ ।
स्याङ्जा २ मा एक लाख १६ हजार सात सय ७८ मतदाता मध्ये ७० हजार एक सय ९१ मत खसेको थियो ।
यसैबीच प्रदेश सभा (क) मा कांग्रेसका भोजराज अर्याल २६५२ मतान्तरले अगाडि हुनुहुन्छ ।
भोजराज अर्याल १३८४७ मत ल्याउदा एमालेका मोहन रेग्मीले १११९५ मत पाउनु भएको छ । सो प्रदेशमा अव वडा नं. १४ को २८३८ मत मात्र गणना बाँकी रहेको छ ।

Facebook Comments Box