स्याङ्जामा तीन जनालाई आक्रमण गरी घाइते बनाएको चितुवा घरभित्रै मृत भेटियो ।

वालिङ,कात्तिक २५ गते ।
स्याङजाको वालिङमा तीन जनालाई आक्रमण गरी घाइते बनाएको चितुवा घरभित्रै मृत अवस्थामा भेटिएको छ । वालिङ नगरपालिका वडा नम्वर १४ का चण्डिप्रसाद पराजुलीको घरमा थुनिएको चितुवा घरभित्रै मृत भेटिएको हो ।
शुक्रवार बिहान वालिङ नगरपालिका–१४ र १२ को सिमानामा पर्ने कफ्लेटीमा चितुवाले आक्रमण गर्दा वालिङ–१२ का कृष्ण प्रसाद न्यौपाने, वालिङ–१४ की तुलसी पराजुली र लक्ष्मी पराजुली घाइते हुनुभएको थियो । खेतमा काम गरिरहेको बेला न्यौपानेलाई घाइते बनाएर भागेको चितुवा स्थानीय चण्डीप्रसाद पराजुलीको घरमा पसेर तुलसा र लक्ष्मीलाई पनि आक्रमण गरि घाइते बनाएको थियो । त्यसपछि बाहिरबाट स्थानीयले ढोका लगाइदिएपछि चितुवा घरभित्रै थुनिएको थियो । पछि उद्धारको टोली आएपछि हेर्दा चितुवा मृत भेटिएको ईलाका बन कार्यालय वालिङका प्रमुख सरोज जर्मकटेलले जानकारी दिनुभयो । घाइते तीनै जनाको उपचार भइरहेको वालिङ नगरपालिका १४ का वडाध्यक्ष बोधराज कुँवरले जानकारी दिनुभयो ।

Facebook Comments Box

सेरोफेरो

थप सामाग्री

स्याङ्जामा बाँदर आतंक ‘पाकेको बाली भित्राउनै पाउँदैनन् किसान’

सहकारीको ऋण समयमै चुक्ता नगरे कडा कानुनी कारबाही गरिने

वालिङले ‘एक स्वास्थ्य’ नीति लागू गर्ने

समाचार

थप सामाग्री
अपराध नियन्त्रण र अनुसन्धानमा सघाउन अर्जुनचौपारीमा १३ सीसीटीभी जडान
३ हप्ता अगाडि

स्याङ्जा : स्याङ्जाको अर्जुनचौपारी गाउँपालिका–१ स्थित बजार क्षेत्रमा शान्ति–सुरक्षा सुदृढ बनाउने तथा अपराध नियन्त्रण र अनुसन्धानलाई प्रभावकारी बनाउने उद्देश्यले १३…

वालिङमा शिक्षक मेन्टरिङ तालिम सम्पन्न, नवप्रवेशी शिक्षकलाई प्रमाणपत्र
३ हप्ता अगाडि
वालिङले ‘एक स्वास्थ्य’ नीति लागू गर्ने
३ हप्ता अगाडि
हल गोरु पाल्ने कृषकलाई पाँच हजार
३ हप्ता अगाडि

Recent Posts

TOP