प्रतिनिधि सभा समानुपातिकतर्फ ८४ लाख २१ हजार मत गणना : एमाले पहिलो

काठमाण्डाै : प्रतिनिधि सभा समानुपातिकतर्फ अहिलेसम्म ८४ लाख २१ हजार ७ सय ५३ मत गणना भएको छ ।

यो विवरण अनुसार एमालेको अग्रता कायमै छ । कांग्रेस र माओवादी क्रमशः दोस्रो र तेस्रो बनेका छन् । निर्वाचन आयोगको आज १२ बजेसम्मको विवरण अनुसार एमालेले समानुपातिकतर्फ २३ लाख १६ हजार ७३६ मत प्राप्त गरेको छ ।

त्यस्तै नेपाली कांग्रेसले २१२ लाख १८ हजार ७७६, माओवादी केन्द्रले ९ लाख ६९ हजार ३९६ मत पाएको छ ।

प्रतिनिधि सभा समानुपातिकतर्फ राष्ट्रिय स्वतन्त्र पार्टी चौथोमा छ । उसले ९ लाख २८ हजार ४८३, राष्ट्रिय प्रजातन्त्र पार्टीले ४ लाख ८७ हजार ८०६, जनता समाजवादी पार्टी, नेपालले २ लाख ८९ हजार २३४, नेकपा (एकीकृत समाजवादी) २ लाख २४ हजार ७५२, जनमत पार्टीले २ लाख २३ हजार ८२७, नागरिक उन्मुक्ति पार्टीले १ लाख ९८ हजार ६६५ र लोकतान्त्रिक समाजवादी पार्टी नेपालले १ लाख २० हजार १८८ मत प्राप्त गरेको छ ।

Facebook Comments Box