काफ्लेलाई काँग्रेसको कार्यवहाक जिल्ला सभापतिको जिम्मेवारी
वालिङ :
नेपाली काँग्रेस स्याङ्जाको कार्यबहाक सभापतिको जिम्मेवारी केदार काफ्लेलाई दिएको छ । स्याङ्जाका सभापति तथा क्षेत्र नम्वर १ का प्रतिनिधिसभा उम्मेदवार राजु थापाले नेपाली काँग्रेस स्याङ्जाका उपसभापति काफ्लेलाई कार्यबहाक सभापतिको जिम्मेवारी दिएका हुन् । सभापति थापा स्याङ्जा क्षेत्र नम्वर १ को प्रतिनिधिसभा उम्मेदवार भएपछि पार्टीलाई चलायमान बनाउन काफ्लेलाई कार्यबहाकको जिम्मेवारी दिइएको हो ।
सभापति थापाले काफ्लेलाई नेपाली काँग्रेसको विधान धारा १२ को उपधारा ७ (ट) ले दिएको अधिकार प्रयोग गरी नेपाली काँग्रेस जिल्ला कार्यसमितिको कार्यबहाक सभापतिको जिम्मेवारी दिएको जानकारी दिएका छन् । कात्र्तिक १४ गतेदेखी लागु हुनेगरी सभापति थापाले काफ्लेलाई नेपाली काँग्रेसको विधानको अधिनमा रही पाटीको हितमा कार्य गर्ने विश्वास लिएको समेत उनले जनाएका छन् ।
नेपाली काँग्रेस जिल्ला कार्यसमिति स्याङ्जाका उपसभापति समेत रहेका काफ्ललेको पार्टीमा छुट्टैखाले पहिचान रहेको छ । उनको कार्यदक्षता, पार्टीप्रतिको मेहनत, पाटीमा रहेर लामो समय काम गरेको अनुभव छ । तिन निर्वाचन क्षेत्र रहदा स्याङ्जा क्षेत्र नम्वर २ को क्षेत्रीय सभापति रहेर काम गरेका काफ्ले सफल क्षेत्रीय सभापतिमा पहिचान बनाएका थिए ।
यसैगरी नेपाली काँग्रेस स्याङ्जाले मंसिर ४ गतेको निर्वाचनका लागि काँग्रेस सहित गठबन्धनका उम्मेदवारहरुलाई विजयी गराउन समितिहरु गठन गरेको छ । जिल्ला स्तरीय अनुगमन समितिको संयोजकमा कार्यबहाक सभापति केदार काफ्ले, चुनाव प्रचार प्रसार समितिको संयोजकमा सचिव दामोदर लम्साल, सुचना तथा सञ्चारमा पार्टीका प्रवक्ता भरतराज लम्साल, सुचना तथा प्रविधि समितिको संयोजकमा त्रिभुवन विश्वविद्यालय प्रजातन्त्रवादी कर्मचारी संघका अध्यक्ष फणिन्द्र पौडेल रहेका छन् । क्षेत्र, प्रदेश, पालिका र वडास्तरमा बिशेष समिति समिति अगाडी बढाउने गरी समिति गठन हुने नेपाली काँग्रेस स्याङ्जाले जनाएको छ ।

समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


