एमालेको आक्रमणमा घाईते भएका वोस्तीको पोखरामा उपचार हुँदै ।

वालिङ :
चापाकोट नगरपालिका वडा नम्वर १ भानु मावि मतदान केन्द्रमा मतदानका क्रममा एमालेका प्रतिनिधिको आक्रमणबाट घाईते भएका भरत वोस्तीको पोखराको गण्डकी मेडिकल तथा शिक्षण अस्पतालमा उपचार भई रहेको छ । नेकपा एमालेका तर्फबाट प्रतिनिधि बसेको वडा सदस्य समेत रहेका सन्तोष थापाले काँग्रेसका प्रतिनिधि भरत वोस्तीलाई आक्रमण गरी घाईते बनाएका हुन् । मतदानको सामान्य बिषयलाई लिएर थापाले एक्लै पारी वोस्ती माथि आक्रमण गरेको स्थानीय पत्रकार गोपिकृष्ण रेग्मीले जानकारी दिनुभयो । घाईते वोस्तीको वालिङ प्राथमिक अस्पतारमा प्राथमिक उपचार गरी थप उपचारका लागि पोखरा लगिएको प्रहरीको भनाइ छ । घाईते वोस्तीको टाउको तथा अनुहारमा गम्भिर चोट लागेको उहाँका भाई एबं नेविसघंका नेता अमृत वोस्तीले जानकारी दिनुयभो ।
आईतवार मतदानका क्रममा काँग्रेसका प्रतिनिधि माथि वोस्ती माथि आक्रमण भए पछि झण्डै ३ घण्टा मतदान रोकिएको थियो भने स्थिति सामान्य पार्न प्रहरीले गोलि नै चलाउनु परेको थियो ।
विवाद पछि बसेको सर्वदलिय वैठकले कुटपिटमा संलग्न सन्तोष थापालाई पक्राउ गरी कारवाही गर्ने सहमती पछि मतदान सूचारु भएको थियो ।
यसैबीच नेपाली काँग्रेसका उपसभापति तथा क्षेत्र नं. २ का उमेद्वार धनराज गुरुङले वालिङ प्राथमिक अस्पतालमा पुगी घाईते वोस्तीको सिघ्र स्वास्थ्य लाभको कामना समेत गर्नु भएको छ ।