एमाले सचिव अर्याल विरुद्ध युवा नेता न्यौपानेले दिए ‘बागी’ उम्मेद्वारी।

वालिङ,असोज २३ गते ।
नेकपा एमालेकी सचिव पद्मा अर्यालविरुद्ध उनकै पार्टीका नेताले बागी (स्वतन्त्र) उम्मेदवारी दिएका छन् । प्रतिनिधिसभा सदस्यका लागि स्याङजा -२ बाट सचिव अर्याल विरुद्ध  कपिलदेव न्यौपानेले उम्मेदवारी दर्ता गराउनु भएको हो ।
न्यौपाने एमाले गण्डकी प्रदेशको सदस्य तथा एमालेको युवा तथा खेलकुद विभागको प्रमुख समेत रहनु भएको छ । पार्टीहरुले जनताका इच्छा आकांक्षा पुरा गर्न नसकेकाले स्वतन्त्र रुपमा उम्मेदवारी दिएको र निर्वाचित भएर जनताको काम गर्ने बताउनु भएको छ । आफ्नो उमेद्वारी कोही बिरुद्ध नभएको न्यौपानेले बताउनु भयो तर युवा माफ लोकप्रिय रहनु भएका न्यौपानेको उमेद्वारीले एमाले भित्र भने निक्कै चर्चा पाएको छ ।
न्यौपाने उमेद्वारी दिन कै लागि पार्टीबाट राजिनामा दिनु भएको बताईएको छ ।
सोही क्षेत्रमा सत्ता गठबन्धनका तर्फबाट कांग्रेसका उपसभापति धनराज गुरुङले उम्मेदवारी दर्ता गराउनु भएको छ ।