स्याङ्जामा कृषि बालि शिविर
प्रकाश डोटेल,
स्याङ्जा, ६ कार्तिक ।
स्याङ्जा सदरमुकाममा एक दिने कृषि बालि शिविर सम्पन्न भएको छ । स्थानीय रोयल बचत तथा ऋण सहकारी संस्थाको आयोजना तथा मुक्तिनाथ कृषि कम्पनीको सहयोग र मुक्तिनाथ विकास बैंकको प्रबद्र्धनमा शिविर सम्पन्न भएको हो ।
कृषकहरुलाई नर्सरी व्यवस्थापना, नगदे बालिमा लाग्ने रोग र कृषिमा अबलम्बन गर्नुपर्ने प्राविधिक ज्ञान प्रदान गर्न शिविर आयोजना गरिएको हो । पर्यावरण परिर्वतनसँगै देखिएकान कृषकका समस्या समाधान गर्न शिविर फलदायी बनेको कृषकहरुले बताए ।
बालि शिविरमा कृषकहरुले लगाएको कृषिजन्य बस्तुमा देखिएका समस्या र रोग नियन्त्रण तथा समाधानका बारेमा मुक्तिनाथ कृषि कम्पनीका वरिष्ठ किठ विज्ञ विजय सापकोटाले सहजीकरण गरेका थिए । शिविरमा पुतलीबजार नगरपालिका र फेदीखोला गाउँपालिकाका कृषकहरुको सहभागिता रहेको थियो ।
त्यस अवसरमा कृषकहरुले लगाएको बालिमा देखिने समस्या र रोगका बारेमा जानकारी दिएका थिए भने बालिमा लाग्ने रोग नियन्त्रण, उपचार पद्धति र अन्य समस्या समाधानमा आयोजक सहकारी र कृषि कम्पनीले सहयोग गर्ने प्रतिबद्धता जनाएको थियो । उत्पादन बढाउन कृषक र कम्पनीकाबीच सहकार्य आवश्यक रहेको कृषकहरुले बताए ।
ग्रामीण क्षेत्रका कृषकले उत्पादन गर्ने कृषिजन्य बस्तुको उत्पादन बढाउन बालि शिविरलाई नियमित र उत्पादन क्षेत्रमा केन्द्रित गर्न कृषकले आग्रह गरे । बालि शिविर नियमित रुपमा संचालन गरे कृषिजन्य उत्पादन बढाउन फलदायी हुने बताईएको छ ।
मुक्तिनाथ कृषि कम्पनीको स्याङ्जामा श्रोत केन्द्रका रुपमा रहेको रोयल बचत तथा ऋण सहकारी संस्थाले कृषिमा आधुनिकीकरण ल्याउन प्रविधि उपयोगलाई सहजीकरण गर्दै आएको छ । कृषकलाई प्रविधि र लगानी अभाब हुन नदिन सहकारीले कृषिमा लगानी र प्रविधि उपयोगमा जोड दिएको सहकारी अध्यक्ष नारायण प्रसाद पौडेलले बताए ।
जिल्लामै पहिलो पटक आयोजना गरिएको बालि शिविरले कृषकमा उत्साह थपेको सहभागिताले बताए । समस्या समाधान र रोग नियन्त्रणमा नियमित सहयोग पु¥याउन कृषकले आयोजकलाई आग्रह गरे ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


