गल्याङमा अचार बनाउने ५ दिने तालिम शुरु ।

साधना न्यौपाने/गल्याङ :
स्याङ्जाको गल्याङमा ५ दिने अचार बनाउने तालिम शुरु भएको छ । एकल महिला बहुउदेशिय सहकारी सस्थाको आयोजनामा गल्याङ ३ मा तालिम शुरु भएको हो ।
तालिमको उद्घाटन गर्दै गल्याङ नगरपालिकाका नगर उपप्रमुख हेमा न्यौपानेले व्यवहारिक तालिमले एकल महिलाहरुलाई आर्थिक रुपमा सवल पुर्याउन सहयोग गर्ने बिश्वास व्यक्त गर्नुभयो ।
सहकारी सस्थाले एकल महिलाको जीवनमा सकारात्मक परिवर्तन ल्याउनका लागि महत्वपूर्ण सहयोग गरिरहेको भन्दै उपप्रमुख न्यौपानेले उनीहरुको सीपमूलक तालिमले जीवनयापनमा सहयोग गर्ने बताउनु भयो ।

नगरपालिकाले पनि आफ्नो जीवन मा केही गर्छु भनेर अगाडि बढिरहेका महिलाहरुलाई सहयोग गर्ने न्यौपानेको भनाई छ ।
कार्यक्रममा बोल्दै गल्याङ नगरपालिका वडा नम्बर ३ का वडा अध्यक्ष कृष्णप्रसाद भट्टराई ले सीपमूलक तालिमले महिलाहरुको जीवनमा राम्रो प्रभाव पार्ने बताउनु भयो ।
एकल महिलाहरुलाइ घरबाट बाहिर ल्याई समाजमा उदाहरणीय बनाउने योजनाका साथ विभिन्न तालिमहरु सञ्चालन गरिदै आएको एकल महिला बहुउद्देश्यीय सहकारी सस्थाका अध्यक्ष ज्ञानु भण्डारीले जानकारी दिनुभयो ।
सस्थाका अध्यक्ष ज्ञानु भण्डारीको अध्यक्षतामा सम्पन्न भएको तालिम उद्दघाटन सत्रमा स्वागत एकल महिला सहकारी सस्थाका उपाध्यक्ष कला ढकालले र सञ्चालन सस्थाका सचिव खुमा बुढाथोकीले गर्नुभएको थियो ।