स्याङजा : सिञ्चाई पोखरीमा डुबेर दुई जनाको ज्यान गयो ।

वालिङ, साउन ४ गते ।
स्याङ्जाको गल्याङमा सिञ्चाई पोखरीमा डुबेर दुई जनाको ज्यान गएको छ । गल्याङ नगरपालिका वडा नम्वर ६ स्थित घर नजिकै बनाएको प्लास्टिकको सिञ्चाई पोखरीमा खसेकी कामना गुरुङकी छोरी ४ बर्षकी सोफिया गुरुङलाई बचाउन गएकी ३३ बर्षकी बृन्दा गुरुङको पनि ज्यान गएको जिल्ला प्रहरी कार्यालय स्याङ्जाका प्रवक्ता रबिन्द्र खनालले जानकारी दिनुभयो ।
आज साँझपख खेल्दै गर्दा पोखरीमा खसेकी देखे पछि बचाउन पोखरीमा पसेकी बृन्दाको बालिका सँगै डुबेर ज्यान गएको प्रहरीको भनाई छ ।
सिञ्चाई पोखरी एक लाख लिटर क्षमताको भएको प्रहरीको भनाई छ ।
File- pic