लागु औषधसहित स्याङ्गजाका तीन जना पक्राउ ।

पोखरा:
पोखराको नागढुङ्गाबाट लागु औषधसहित तीन जना पक्राउ परेका छन् ।
पोखरा महानगरपालिका वडा नं -९ नागढुङ्गाबाट लागु औषधसहित स्याङ्गजा जिल्ला पुतली बजार नगरपालिका -८ निवासी २५ वर्षीय विराज हमाल, पुतली बजार नगरपालिका -४ बस्ने २६ वर्षीय देवांस थापा र आँधिखोला गाउँपालिका -३ बस्ने २० वर्षीय मनिष पौडेललाई प्रहरीले पक्राउ गरेको हो।
कास्कीका प्रहरी नायव उपरीक्षक तथा प्रहरी प्रवक्ता सुन्दर तिवारीका अनुसार लागु औषध नियन्त्रण ब्यूरो शाखा कार्यालय पोखरा र जिल्ला प्रहरी कार्यालय कास्कीबाट खटिएको संयुक्त प्रहरीको टोलीले उनीहरुको साथबाट डाईजापाम ७० एम्पुल, फेनेरागन १२० एम्पुल र नुर्फिन ९५ एम्पुल गरी जम्मा २८५ एम्पुल लागु औषध वरामद गरेको छ।
पक्राउ परेका उनीहरुमाथि लागु औषध सम्बन्धि मुद्धामा जिल्ला अदालत कास्कीबाट ७ दिन म्याद थपको अनुमति लिएर अनुसन्धान प्रकृया अगाडी बढाइएको प्रवक्ता तिवारीले बताए।

Facebook Comments Box