अनौठो सडक : जहाँ गाडीले होइन सडक आफैले हर्न बजाउँछ !
१३ असार, काठमाडौं । विश्वमा सबैभन्दा धेरै मृत्युको कारणको रुपमा सडक दुर्घटना रहेको छ । तीव्र गति, ट्राफिक नियम उल्लंघन, सडकको अवस्था, गाडीको प्राविधिक कमजोरी लगायतका विभिन्न कारणले हुने सडक दुर्घटनाका कारण हुने मृत्युमा वर्षेनी बढोत्तरी भैरहेको छ । सडक दुर्घटना कम गर्नका लागि सरकारहरुले पनि विभिन्न उपाय अपनाउने गरेका छन् ।
पहाडी तथा घुमाउरा सडकहरुमा पर्याप्त सडक सूचना, चालकहरुको सतर्कता तथा घुम्तीहरुमा हर्न बजाउने गर्नाले केही हदसम्म दुर्घटना कम हुनसक्दछ । घुम्तीहरुमा यदि गाडी चालहरुले समयमै हर्न बजाएर विपरित दिशाबाट आउँदै गरेको गाडीलाई सूचना दिएभने अर्को गाडीको चालक पनि सतर्क हुने र गाडीहरु ठोक्किने जोखिम कम हुन्छ । चालकले समयमै हर्न नबजाएकै कारण दुर्घटना नहोस् भन्नका लागि भारतमा एउटा यस्तो सडक बनाइएको छ जहाँ सडक आफैले हर्न बजाउँछ ।
पहाड तथा उपत्यकाको घुमाउरो सडकहरुमा गाडीहरु ठोक्किएर हुने दुर्घटना कम गर्नका लागि हिन्दुस्तान पेट्रोलियम तथा लिओ बर्नेटले विशेष अवधारणा विकाश गरेको हो । त्यसमा गाडीले हर्न बजाउनुको साटो सडकले नै हर्न बजाउने सिस्टम राखिएको छ ।
भारतको जम्मु काश्मीर जोड्ने राजमार्ग एनएच १ मा सबैभन्दा पहिले यो प्रविधिको विकास गरिएको हो । जम्मु काश्मीर उपत्यकामा निकै घुमाउरो सडक भएको हुँदा दुर्घटनाको उच्च जोखिम छ ।
त्यसैले राजमार्गमा हरेक घुम्तीहरुमा दुबैतर्फ स्मार्ट लाइफ पोलहरु राखिएको छ । गाडीहरु उक्त पोलको नजिक पुगेपछि सडकमा जडित सिस्टमले आफै हर्न बजाउन थाल्दछ । यसले अर्कोतर्फबाट आइरहेका चालकहरुलाई सचेत बनाउँदछ ।
उक्त प्रविधि जडान गरेपछि त्यस क्षेत्रमा हुने दुर्घटनामा निकै कमी आएको बताइएको छ । यो प्रविधिको सफलतासँगै भारत सरकारले यसलाई देशका अन्य सडकमा पनि जडान गर्ने सोँच बनाएको छ । एजेन्सीको सहयोगमा, Onlinekhabar.com
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


