छोरी बलात्कार गरेको आरोपमा बाबु पक्राउ  ।

लमजुङ:
लमजुङमा आफ्नै छोरी बलात्कार गरेको आरोपमा बाबु पक्राउ परेका छन्। १६ बर्षीया छोरीलाई बलात्कार गरेको आरोपमा ४५ वर्षीय पुरुषलाई प्रहरीले पक्राउ गरेको हो।

घरमा कोही नभएको मौका छोपी ती पुरुषले छोरीलाई बलात्कार गरेको प्रहरीले जनाएको छ। प्रहरीका अनुसार बालिकाले नै प्रहरी कार्यालयमा आएर उजुरी दिएपछि उनका बाबुलाई पक्राउ गरिएको हो।

आइतबार बिहान ४ बजेतिर राइनासस्थित घरबाट पक्राउ गरिएका उनलाई लमजुङ जिल्ला अदालतबाट सोमबार सात दिनको म्याद थप गरी थप अनुसन्धान थालिएको छ।प्रहरीका अनुसार मद्यपान गरी स्थानीय चुनावका बेला र चुनावपछि समेत गरी आफूलाई दुईपटक करणी गरेको पीडितले बयान दिएकी छन्।

प्रारम्भिक बयानकै क्रममा उनले दुईपटकसम्म करणी गरेको स्वीकार गरेको प्रहरीले जनाएको छ।