वालिङको मेयरमा एमालेका खाँण र उपमेयरमा काँग्रेसकी तिवारी निर्वाचित

स्याङ्जा :
वालिङ नगरपालिकाको मेयरमा नेकपा एमालेका कृष खाँण निर्वाचित हुनु भएको छ । उहाँले आफ्ना प्रतिस्पर्धी दिलिपप्रताप खाँणलाई पराजित गर्नु भएको हो ।
कृष्ण खाँणले १३ हजार सात सय ७६ मत ल्याएर निर्वाचित हुनु भएको हो । दिलिप खाँणले ११ हजार पाँच सय ९३ मत ल्याउनु भएको हो ।
यस्तै उपमेयरमा नेपाली काँग्रेसकी कविता तिवारी गैह्रेले १२ हजार ८ सय २२ मत ल्याई बिजयी हुनु भएको छ । उहाँका प्रतिस्पर्धी नेकपा एमालेकी खगिसरा थापाले १२ हजार ३ सय ४० मत ल्याउनु भएको छ ।
नेपाली काँग्रेसले वडा नम्वर १,२,५,१०,११ र १४ गरी बहुमत कार्यपालिका सदस्य जितेको छ । भने एमालेले ३,४,६,७,८,९,१२ र १३ वडाहरुमा जित हात पारेको छ ।
दिलिपप्रताप खाँण निर्वतमान् मेयर समेत रहनु भएको छ ।