वालिङ जीप दुर्घटना : मुख्यमन्त्री नेपाली पुगे घाईतलाई भेट्न अस्पतालमा ।

मुख्यमन्त्री कृष्णचन्द्र नेपाली पोखरेलले स्याङ्जाको वालिङ नगरपालिका- १४ मा वैशाख ३० गते भएको जिप दुर्घटनाका घाइतेलाई आईतबार भेटेर स्वास्थ्य अवस्थाका बारेमा जानकारी लिनु भएको छ ।

स्वास्थ्य शिक्षाको विधिका साथमा प्रविधिको प्रयोग गरी घाइतेको उपचार गर्न मुख्यमन्त्री पोखरेलले अस्पताल प्रशासनलाई निर्देशन दिनु भएको छ ।

पोखराको गण्डकी मेडिकल कलेजमा घाइतेहरुको उपचार भइरहेको छ ।

दुर्घटनामा एक गर्भवती सहित १४ जनाको निधन भएको थियो भने ८ जना घाइते भएका छन् ।

घाइतेमध्ये ३ जनाको आइसियुमा उपचार भैरहेको छ । २ बालक अर्थो वार्ड र २ जनाको जनरल वार्डमा छन् । घाइते सबै खतरामुक्त छन् ।

घाइतेमध्ये जीएमसीमा ७ जनाको उपचार भइरहेको छ । एक जना उपचारपछि घर फर्केको मेडिकल सुपरिन्टेन्डेन्ट डा. टुमाया घलेले जानकारी दिनुभयो ।