अर्थ आयकर तिर्नुपर्ने सीमा परिवर्तन, अब वार्षिक ६ लाख कमाउनेले एक प्रतिशत मात्रै कर तिरे पुग्ने

सरकारले व्यक्तिगत आयकर सीमालाई परिवर्तन गरेको छ।

आर्थिक वर्ष २०७९/८० को बजेटले रु.६ लाखसम्म वार्षिक आय भएका दम्पतीले अब एक प्रतिशत मात्रै आयकर तिरे पुग्ने व्यवस्था गरेको हो। यसअघि यो सीमा रु.चार लाख ५० हजार थियो।

एकल व्यक्तिका हकमा रु.पाँच लाखसम्मको वार्षिक आयमा अब एक प्रतिशत मात्रै कर तिरे पुग्नेछ। आयकरको सीमा परिवर्तन गर्न लामो समयदेखि माग हुँदै आएको थियो।

बजेटले वेतनभोगीलाई लक्षित गरी आयकर लाग्ने सीमा परिवर्तन गरी रु.६ लाख (विवाहितको हकमा) पुर्‍याएको हो।

अब वार्षिक रु.६ लाख कमाउनेले एक प्रतिशत मात्रै कर तिरे पुग्नेछ। त्यसभन्दा बढीको आयमा आम्दानी अनुसार १० प्रतिशतभन्दा धेरै आयकर लाग्नेछ।

बजेटले बीमाको प्रिमियम गर्दा रु.४० हजारसम्म घटाउन पाउने व्यवस्था गरेको छ।

Facebook Comments Box