एमाले सचिव तथा पूर्वमन्त्री पद्मा अर्यालका पति वडा सदस्यमा पराजित

वालिङ, जेष्ठ १ गते ।
नेकपा (एमाले)की सचिव एवं पूर्वमन्त्री पद्मा अर्यालका पति लक्ष्मीपति पौडेल वडा सदस्य पदमा पराजित हुनु भएको छ ।
स्याङ्जाको वालिङ नगरपालिका–१ को वडा सदस्यमा प्रतिस्पर्धा गर्नु भएका पौडेल पराजित हुनु भएका् हो ।
वालिङ नगरपालिका–१ मा नेपाली कांग्रेसका उमेदवार पदमराज गुरुङ नेतृत्वको प्यानल नै निर्वाचित भएको छ । वडाध्यक्षका उमेदवार पदमराजले एमालेका वडाध्यक्षका उमेदवार गिरमान गुरुङको प्यानललाई पराजित गर्नु भएको हो ।
गिरमानको प्यानलबाट वडा सदस्यमा लक्ष्मीपति पराजित हुँदा कांग्रेसका २६ वर्षीय युवा उमेदवार सम्भव अर्याल निर्वाचित हुनु भएको हो ।
वडा सदस्यमा भएको पराजयसँगै जिल्ला समन्वय समिति प्रमुखमा निर्वाचन लड्ने लक्ष्मीपतिको सपना अधुरो भएको छ ।
वडाध्यक्षमा कांग्रेसका पदमराजले ८५० मत ल्याएर निर्वाचित हुँदा एमालेका गिरमानले ८२९ मत पाउनु भएको छ । गिरमान २१ मतले पारजित हुनु भएको हो ।
वडा सदस्यमा निर्वाचित भएका कांग्रेसका सम्भवले एक हजार २२ मत पाउँदा एमालेका लक्ष्मीपतिले ६२६ मत ल्याएका छन् ।

Facebook Comments Box