घर शिलान्यास गर्दैगर्दा पहिरोले पुरिँदा एक जनाको मृत्यु ।

काठमाण्डौ:
पाँचथरमा घर शिलान्यास गर्दैगर्दा झरेको पहिरोले पुरिँदा एक जनाको मृत्यु भएको छ ।

आज बिहान फिदिम नगरपालिका–१ बुद्धचोकमा घर शिलान्यास गर्दैगर्दा झरेको सुख्खा पहिरोले पुरिँदा स्थानीय गोपाल ढुङ्गानाको मृत्यु भएको हो ।

सुख्खा पहिरोले पुरिएका ढुङ्गानालाई स्काभेटरले पहिरो पन्छाएर उद्धार गरेको थियो ।

गम्भीर अवस्थामा उद्धार गरिएका उनलाई उपचारका लागि जिल्ला अस्पताल फिदिम लगिए पनि मृत्यु भएको प्रहरीले जनाएको छ ।