ट्रकको ठक्करबाट मोटरसाइकल चालकको मृत्यु।

काठमाण्डौ:
तनहुँमा ट्रकको ठक्करबाट मोटरसाइकल चालकको मृत्यु भएको छ।

पृथ्बी राजमार्ग अन्तर्गत पर्ने जिल्लाको म्याग्दे गाउँपालिका वडा नं १ तल्लो गुणादीमा ट्रकको ठक्करबाट मोटरसाइकल चालक ऋषिङ गाउँपालिका वडा नं -२ काशीपुर बस्ने १९ वर्षीय तारन थापाको मृत्यु भएको प्रदेश प्रहरी कार्यालय पोखराले जनाएको छ।

प्रहरीको अनुसार पोखराबाट दमौलितर्फ जाँदै गरेको ग ५ प ६०८३ नंवरको मोटरसाईकललाई सोही दिशाबाट जाँदै गरेको ना ३ ख ४६९१ नंवरको ट्रकले पछाडिबाट ठक्कर दिएको हो। ट्रकको ठक्करबाट गम्भीर घाइते भएका थापालाई तत्काल उपचारका लागि जिल्ला अस्पताल दमौली पठाइएकोमा उपचारको क्रममा उनको मृत्यु भएको हो।

ठक्कर दिने ट्रक र ट्रकका चालकलाई प्रहरीले नियन्त्रणमा लिएर घटनाका सम्बन्धमा आवश्यक अनुसन्धान शुरु गरेको जनाएको छ।

Facebook Comments Box