शिवरात्रि : शिव मन्दिरमा बिहानै बाट घुँईचो,यस्तो छ छाँयाछेत्र मन्दीरको अवस्था (फोटोफिचर) ।

आज शिवरात्रि । हरेक वर्ष फागुन कृष्ण चतुर्दशी मध्यरातमा परेका दिन मनाइने शिवरात्रि पर्व भगवान शिवको पूजा–आराधना गरी आज देशभर मनाइँदैछ । पशुपति क्षेत्रमा साधुसन्त एवम् भक्तजनहरुको भिड लागेको छ ।
शिवरात्रिको दिन आज भक्तजनले शुद्ध भइ शिवमन्दिरमा पूजा–अर्चना गरी व्रत बस्ने र भगवान शिवको प्रिय वस्तु दूध, धतुरो र बेलपत्र चढाउने गरिन्छ । आजको दिन भगवान महादेवलाई जाडो हुने जनविश्वासले हरेक घर, चोक र मठमन्दिरमा दाउरा मागेर धुनी जगाइ भजनकीर्तनका साथ त्यही आगोमा प्रसाद बनाइ ग्रहण गर्ने गरिन्छ । शिवरात्रिको दिन आज सरकारले सार्वजनिक बिदा दिएको छ ।
देशभरका शीव मन्दीरहरुमा दशनार्थीहरुको भीडभाड रहेको छ । कोरोनाको संक्रमण दर घटेकाका कारण भीड बढेको हो । छाँयाक्षेत्र मन्दीरमा पनि भक्तजनहरुको बिहानैबाट भिड रहेको छ ।
फोटोफिचर