जन्मदिनको अवसरमा खाद्यन्न तथा विविध सामाग्रीहरु वितरण

जन्मदिनको अवसरमा खाद्यन्न तथा विविध सामाग्रीहरु वितरण गरिएको छ । कालिगण्डकी गुरुकुलम् गल्याङ १, उत्तरबाहिनीमा अध्ययनरत बटुकहरुलाइ खाद्यन्न तथा विविध सामाग्रीहरु वितरण गरिएको हो । लायन्स क्लब अफ वालिङ सिटीका अध्यक्ष चुत्र कुमारी थापा दुर्गाले आफ्नो छोरी सृष्टि थापाको जन्मदिनको अवसरमा संस्कृत विद्यालयका ३२ जना बटुकहरुलाई खाद्यन्न तथा विविध सामाग्रीहरु हस्तान्तरण गर्नुभएको हो । खुशिका लागि सेवा भन्ने उद्देश्य सहित अगाडी बढे्को र सामाजिक सेवाका काम गर्न पाउदा अत्यन्तै खुशि लागेको लायन्स क्लबका अध्यक्ष थापाले बताउनुभयो । सामाजिक काममा लाग्नु भन्दा पनि पहिलेदेखी नै यस्ता धेरै सामाजिक काम गरेको थापाको भनाई छ । आफ्नो सबै छोराछोरीको हरेक जन्मदिन सामाजिक काम गरेरै मनाएको उहाँले बताउनुभयो ।

सामाग्री वितरण कार्यक्रममा बोल्नुहुदै चैतन्य कृष्ण महाराजले पछिल्लो समय धेरै खर्च गरी जन्मोत्सव मनाउने धेरै भेटिएकोमा विविध सामाग्री वितरण गरी उदाहरणीय काम गरेको बताउनुभयो । सेवा नै धर्म भएकाले सामाग्री हस्तान्तरण गरेकोमा धन्यवाद दिदै सृष्टि थापाको उज्जवल भबिष्यको कामना व्यक्त गर्नुभयो । कार्यक्रममा दिपक लम्साल, कृष्ण थापा लगायतले बोल्नुभएको थियो । लायन्स क्लब अफ वालिङ सिटीका अध्यक्ष चुत्र कुमारी थापा दुर्गाको अध्यक्षतामा सम्पन्न कार्यक्रममा लियो क्लबका पुर्व अध्यक्ष दिक्षान्त प्रताप खांण लगायत लायन्स र लियो क्लबका सदस्यहरुको सहभागिता रहेको थियो ।