हत्या गरेर भागेका अभियुक्त ३१ वर्षपछि पक्राउ ।
काठमाण्डौ:
बाजुरामा २०४८ असोजमा शंकर धामीको हत्या गरेर भागेका अभियुक्तलाई प्रहरीले ३१ वर्षपछि पक्राउ गरेको छ । धामीको हत्यामा संलग्न खप्तडछेडेदह गाउँपालिका–२ घर भएका मिनबहादुर सिंहलाई धनगढीबाट पक्राउ गरिएको बाजुराका डिएसपी चतुर्भुज ओझाले बताए ।
२०४८ असोज ६ मा भैंसीले कोदाबाली खाएर नोक्सान गरेको विषयमा विवाद हुँदा धामी पक्षलाई सिंह पक्षले कुटपिट गरेका थिए । घटनास्थलमा १२–१४ जना उपस्थित भएपनि मिनबहादुर र जगतबहादुर सिंहले भैंसी बाँध्ने किलो र हँसियाले हिर्काएर हत्या गरेको प्रहरीको अनुसन्धानबाट थाहा भएको छ ।
सो मुद्दामा जिल्ला र उच्च अदालतले गरेको जन्मकैदको फैसला उल्ट्याएर सर्वोच्च अदालतले २०५७ असारमा १० वर्ष कैद सजाय हुने फैसला गरेको थियो । जगतबहादुरले फैसला अनुसारको सजाय भुक्तान गरिसकेका छन् । लामो समय भारतमा बसेका मिनबहादुर पछिल्लो समय धनगढीमा घर बनाएर बसिरहेका थिए । धनगढीको सन्तोषी टोलबाट पक्राउ गरेर जिल्ला प्रहरी कार्यालय बाजुराले बुधवार मिनबहादुरलाई पत्रकार सम्मेलन गरेर सार्वजनिक गरेको छ ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


