पोखरामा स्याङ्गजा पुतलीबजारका १७ वर्षीय युवकको शव फेला।

कास्की:
पोखरामा एक युवक मृत अवस्थामा फेला परेका छन्। स्याङ्गजा जिल्ला पुतली बजार नगरपालिका -५ घर भइ हाल पोखरा महानगरपालिका वडा नं -२१ दम्सादी स्थित टेन्ट टाँगेर बस्दै आएका १७ वर्षीय विशाल भुजेल मृत अवस्थामा फेला परेको प्रदेश प्रहरी कार्यालय पोखराले जनाएको छ।

प्रहरीका अनुसार भुजेल आज बिहान अन्दाजी १० बजेको समयमा फुस्रे खोला किनार नजिकैको चौरमा रहेको टेन्ट भित्र मृत अवस्थामा फेला परेको भन्ने सूचना पश्चात घटनास्थलमा प्रहरीको टोली पुगेको थियो।

हाल घटनाका सम्बन्धमा आवश्यक अनुसन्धान भइरहेको प्रहरीले जनाएको छ।

Facebook Comments Box