सडक खनेको दृश्य हेर्दै गर्दा पहिरोले पुरिएर मृत्यु ।

पोखरा:
बाग्लुङको बडिगाड गाउँपालिका ७ मा सडक खन्ने क्रममा सुक्खा पहिरो खस्दा एक जनाको मृत्यु भएको छ । अन्य दुई जना घाइते भएका छन् ।

आज बिहान पहिरो खस्दा स्थानीय गोपीराम विकको मृत्यु भएको प्रहरीले जनाएको छ । इदिखोलादेखि गोठान जोड्ने सडक खन्दै गरेको दृश्य हेर्न गएका विकको सडक माथिबाट खसेको सुक्खा पहिरोले पुरिएर मृत्यु भएको हो ।

पहिरोमा परेर स्थानीयवासी कृष्ण विक र दुर्गा विक सामान्य घाइते भएका छन् ।