चीनको बेइजिङमा जारी शीतकालीन ओलम्पिक सकियो,नर्वे पहिलो स्थानमा ।
काठमाण्डौ:
चीनको बेइजिङमा जारी शीतकालीन ओलम्पिक आइतबार साँझबाट सकिएको छ। दुई सातासम्म चलेको ओलम्पिकमा ३ हजारभन्दा बढी खेलाडीले १०९ स्वर्ण, १०९ रजत र १०९ कास्यका लागि प्रतिश्पर्धा गरेका थिए।
कूटनीतिक बहिष्कार र कोभिड–१९ को महामारीको बीचमा देखिएको आशंकाबीच चीनले सफलतापूर्वक शीतकालीन ओलम्पिक आयोजना सम्पन्न गर्यो।अन्तर्राष्ट्रिय ओलम्पिक कमिटीका अध्यक्ष थोमस बाचले समापन समारोहमा विश्वभरका नेतालाई खेलाडीले दिएको शान्ति र ऐक्यबद्धताको उदाहरणबाट पाठ सिक्न आग्रह गरेका छन्।
उनले भने, ‘ओलम्पिक खेलको एकीकृत शक्ति हामीलाई विभाजित पार्ने शक्तिभन्दा बलियो छ।’ यस्तै बाचले समग्र विश्व समुदायलाई कोरोना खोप अभियानमा तीव्रता दिन पनि आग्रह गरे। अहिले विश्व महामारीबाट पार पाउने अवस्थातर्फ बढिरहेको भन्दै बाचले आगामी दिनमा अझै छिटो त्यसतर्फ लम्किनु जरुरी रहेको उल्लेख गरे।
यसपटकको शीतकालीन ओलम्पिकमा नर्वे पहिलो स्थानमा रह्यो। नर्वेले १६ स्वर्ण, ८ रजत र १३ कास्यसहित ३७ पदक प्राप्त गर्यो। दोस्रो स्थानमा रहेको जर्मनीले १२ स्वर्ण, १० रजत र ५ कास्यसहित २७ पदक पायो। आयोजक चीन तेस्रो स्थानमा रह्यो। उसले ९ स्वर्ण, ४ रजत र २ कास्यसहित १५ पदक हात पारेको हो। यस्तै अमेरिकाले ८ स्वर्ण, १० रजत र ७ कास्यसहित २५ पदक जितेर चौथो स्थानमा रह्यो। स्वीडेन र नेदरल्याण्डले पनि समान ८(८ स्वर्ण पदक जिते।समग्रमा यो ओलम्पिकमा २७ मुलुकका खेलाडीले पदक जितेका छन्।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


