पछिल्लो २४ घण्टामा थप १५५ जनामा कोरोना पुष्टि, दुईको मृत्यु ।

काठमाण्डौ:
नेपालमा पछिल्लो २४ घण्टामा थप १५५ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयले दिएको पछिल्लो जानकारी अनुसार एन्टीजेन र पीसीआर विधिबाट ५ हजार १ सय ५२ जनाको नमूना परीक्षण गर्दा शनिबार १५५ जनामा संक्रमण पुष्टि भएको हो । गत २४ घण्टामा २ हजार २३९ नमूनाको पीसीआर र २ हजार ९१३ नमूनाको एन्टीजेन परीक्षण गरिएको मन्त्रालयले जानकारी दिएको छ ।

मन्त्रालयका अनुसार पीसीआर परीक्षणबाट १ सय १ जना र एन्टिजेन परीक्षणबाट ५४ जनामा संक्रमण पुष्टि भएको हो ।यस्तै, गत २४ घण्टाको अवधिमा ५ सय ४० जना कोरोना संक्रमणमुक्त भएका मन्त्रालयले जानकारी दिएको छ। भने सोही अवधिमा दुई जनाले ज्यान गुमाएको मन्त्रालयले जनाएको छ।