सहिद स्मारक ‘ए’ डिभिजन लिगको उपाधि मच्छिन्द्रलाई, १३ खेलमा २ गोल मात्र खाएको थियो।
काठमाण्डौ:
मच्छिन्द्र फुटबल क्लबले १३ खेलमा २ गोल मात्र खाएर सहिद स्मारक ‘ए’ डिभिजन लिगको उपाधि उचालेको छ ।
शनिबार दशरथ रंगशालामा भएको प्रतियोगिताको अन्तिम खेलमा एपीएफलार्ई पराजित गरेसँगै मच्छिन्द्रले १३ खेलमा ३५ अंकसहित दोस्रोपटक उपाधि उचालेको हो ।मच्छिन्द्रले ११ खेलमा जित र दुई खेलमा बराबरी खेलेको थियो । उसले पहिलो खेलमा एनआरटीविरुद्ध गोल खाएको थियो भने अन्तिम खेलमा एपीएफविरुद्ध गोल खाएको हो ।
पहिलो खेल २–१ को जित निकालेको मच्छिन्द्रले अन्तिम खेल पनि २–१ कै जित निकालेको हो । यी दुई गोलबीचको अन्तर ११ सय ८८ मिनेट रहेको छ ।शनिबारको खेलको ४१औं मिनेटमा अभिषेक गुरुङले गोल गर्दै मच्छिन्द्रलाई अग्रता दिलाए पनि दोस्रो हाफको ६९औं मिनेटमा प्रदीप लामाले गोल गर्दै एपीएफलाई बराबरीको अवस्थामा ल्याए ।
तर खेलको ८१औं मिनेटमा मच्छिन्द्रका रेजिन सुब्बाले गोल गर्दै लिगको सुखद अन्त्य गरे । त्यसपछि पनि एपीएफले थुप्रै गोल गर्ने अवसर पाए पनि गोलमा परिणत गर्न सकेन ।मच्छिन्द्रले ११औं चरणमा नै सिजन जितिसकेको थियो । उसका लागि दुई खेल प्रतिष्ठाका लागि मात्र थिए ।

उपाधिसँगै मच्छिन्द्रले ७५ लाख रुपैयाँ, दोस्रो हुने त्रिभुवन आर्मी क्लबले ५० लाख र तेस्रो हुने न्यूरोड टीम एनआरटीले २५ लाख रुपैयाँ पाएको छ । प्लेयर अफ दि लिगको उपाधि मच्छिन्द्रका सुनिल बलले जितेका छन् । उपाधिसँगै उनले ३ लाख रुपैयाँ नगद पनि पाएका छन् ।
सातदोबाटो फुटबल क्लबले फेयर प्लेको अवार्ड पाउँदै दुई लाख रुपैयाँ पुरस्कार पाएको छ । यस्तै, त्रिभुवन आर्मी क्लबका दिनेश योञ्जन इमर्जिङ प्लेयर अफ दि टुर्नामेन्ट हुँदै १ लाख ५० हजार जित्न सफल भएका छन् ।मच्छिन्द्रका गोलकिपर विशाल श्रेष्ठ उत्कृष्ट गोलकिपर हुँदै २ लाख रुपैयाँ पाएका छन् । उनले प्रतियोगिता अवधिभर जम्मा दुई खोल मात्र खाए ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


