पहिरोमा परेर एक जना युवाको मृत्यु ।

दाङ
पहिरोमा परेर दाङमा एक जना युवाको मृत्यु भएको छ।

पहिरो झरेर अवरूद्ध सडकमा मोटरसाइकल गुडाउन नमिलेपछि डोर्‍याउने क्रममा घोराही उपमहानगरपालिका १४ का ३५ वर्षका नरबहादुर घर्तीको मृत्यु भएको हो।
इलाका प्रहरी कार्यालय तुलसीपुरका प्रवक्ता झलकप्रसाद शर्माका अनुसार मंगलबार कपुरकोटबाट तुलसीपुर आउँदै गर्दा तुलसीपुर ३ ढक्रेनीमा पहिरोमा परेर घर्तीको मृत्यु भएको हो।