श्रीलंकाले भारतलाई गोलरहित बराबरीमा रोकेपछि नेपाललाई फाईदा ।

काठमाडौं :
साफ च्याम्पियनसिप २०२१ अन्तर्गत राउन्ड रोबिन लिगको तेस्रो चरणमा श्रीलंकाले उपाधि दाबेदार भारतलाई बराबरीमा रोकेको छ । विहीबार माल्दिभ्सको मालेस्थित राष्ट्रिय रंगशालामा श्रीलंकाले भारतलाई गोलरहित बराबरीमा रोकेको हो ।

खेलमा भारतले अधिकांश समय आक्रमण गरेपनि गोल गर्न भने सकेन । सुरुवाती दुई खेलमा हार बेहोरेपछि निकै दबाबमा रहेको श्रीलंकाले रक्षात्मक रणनीति अपनाएको थियो । यस बराबरीले भारतको फाइनल पुग्ने समीकरणमा भने धक्का पुगेको छ । भारतले लिग चरणका दुवै खेलमा बराबरी खेलेको छ । यसअघि पहिलो चरणमा भारत १० खेलाडीमा सिमित बंगलादेशसँग १-१ को बराबरीमा रोकिएको थियो ।

यस नतिजाले नेपालको फाइनल पुग्ने सम्भावनालाई भने सहयोग पुगेको छ । अंक तालिकामा नेपाल नै शीर्षस्थानमा कायम छ । नेपालले २ खेलमा ६ अंक जोडेको छ । बंगलादेश २ खेलमा ४ अंक सहित दोस्रो तथा भारत २ खेलमा २ अंक तेस्रो स्थानमा छ । श्रीलंका दुई खेलबात १ अंक जोड्दै चौथोमा रहँदा अंकविहिन माल्दिभ्स पुछारमा रहेकोछ ।

 

Facebook Comments Box

विचित्र संसार

थप सामाग्री
TOP