कांग्रेसको पालिका अधिवेशन भोलि

काठमाडौं: नेपाली कांग्रेसले वडा अधिवेशन सकिएका जिल्लामा शनिबार गाउँपालिका र नगरपालिका अधिवेशन गर्दै छ। दुई चरणमा गरी ६४ जिल्लामा कांग्रेसको वडा अधिवेशन सम्पन्न भएको छ। १३ जिल्लामा क्रियाशील सदस्यताका विवाद टुंग्याए पनि नामावली सार्वजनिक भइसकेको छैन।

असोज ९ मा अधिवेशन गर्नका लागि निर्वाचन अधिकृतहरू पालिकामा खटाइसकिएको कांग्रेस निर्वाचन समितिले जनाएको छ। पालिका अधिवेशनका लागि वडा सभापति र क्षेत्रीय प्रतिनिधि मतदाता हुने व्यवस्था कांग्रेस विधानमा छ।

कांग्रेसले हिमाली जिल्लामा दसैंअघि नै जिल्ला अधिवेशन सम्पन्न गर्ने निर्णय गरेको छ। कांग्रेस पदाधिकारी र निर्वाचन समितिको छलफलले हिमाली जिल्लामा दसैंअघि नै अधिवेशन गर्ने निर्णय भएको हो।

वडा अधिवेशन सम्पन्न भइसकेका जिल्लामा असोज १८ गतेसम्ममा पालिका अधिवेशन सक्ने तयारीमा समिति छ।

Facebook Comments Box