वालिङमा मास्क अभियान सञ्चालन ।

mask Abhiyan Waling 2

वालिङ :
स्याङ्जाको वालिङमा मास्क अभियान सञ्चालन गरिरहेको छ । ‘महामारी नियन्त्रण र रोकथाममा मेरो प्रतिबद्धता मास्क लगाउनु नै आजको आवश्यकता’ भन्ने मूल नाराका साथ सञ्चालन गरिएको हो ।
वालिङ नगरपालिका, दियालो संस्था, वडा प्रहरी कार्यालय, लियो क्लव लगायतको सहकार्यमा मास्क अभियान सञ्चालन गरेको हो ।
कोभिड १९ को संक्रमण बढिरहेको र यसबाट बच्नका लागि मास्क लगाउनु अपरिहार्य रहेकाले अभियान सञ्चालन गरिएको दियालो संस्थाका अध्यक्ष कविता तिवारीले जानकारी दिनुभयो ।
अभियानमा वालिङ नगरपालिकाका प्रमुख प्रशासकीय अधिकृत राजन भट्टराई,वडा प्रहरी प्रमुख हरि पौडेल,नगर स्वास्थ्य प्रमुख कमल प्रसाद पाण्डे, दियालो संस्थाका पदाधिकारीहरु,दियालो सुआहारा तथा दियालो युएनडिपीका कर्मचारीहरु, लियो क्लवका सदस्यहरु, प्रहरीहरु लगायत सहभागी भएका थिए ।

Facebook Comments Box
TOP