वामदेव गौतम पनि नेकपा एमाले (समाजवादी)मा ।

काठमाडौं
नेकपा एमालेका उपाध्यक्ष वामदेव गौतमले प्रस्तावित नेकपा एमाले ९समाजवादी०का अध्यक्ष माधवकुमार नेपाललाई साथ दिने हुनुभएको छ ।

एमाले अध्यक्ष केपी ओलीसँग रहन नसक्ने भन्दै नेता गौतमले एमाले समाजवादीको नेतृत्व गर्नुभएका नेता नेपाललाई साथ दिने प्रष्ट गर्नुभयो । पार्टी एकता अभियान चलाउँदै आउनुभएका नेता गौतमले बिहीबार भने नेपालतिर लाग्ने आफूनिकटका नेता कार्यकर्तालाई जानकारी गराउनुभएको हो ।

अब एमाले समाजवादी पार्टीलाई सहयोग गरेर अगाडि बढने बताउँदै उहाँले ओलीको पक्षमा लागेर एमाले पार्टीका लागि केही गर्न नसकिने पनि जिकीर गर्नुभयो ।

अब विद्रोहको विकल्प छैन भन्दै उहाँले थप्नुभयो, ‘अब ओलीको पक्षमा लागेर, उनीसँग हिँडेर केही गर्न सकिँदैन, कहीँ पुग्न सकिँदैन । अब हामीसँग विद्रोह नै विकल्प हो । नयाँ पार्टीलाई अहिलेको एमालेभन्दा शक्तिशाली बनाउने अभियानमा लाग्छौँ । त्यसपछि पार्टी एकतामा जोड दिन्छौँ ।’

Facebook Comments Box