कर्तव्य ज्यान मुद्दाका फरार प्रतिवादी एक बृद्ध २४ वर्षपछि पक्राउ ।

स्याङ्जा :
जिल्ला प्रहरी कार्यालय स्याङ्जाले एक ७५ बर्षीय बृद्धलाई पक्राउ गरेको छ । कर्तव्यज्यान मुद्दाका फरार प्रतिवादीलाई प्रहरीले २४ बर्ष पछि पक्राउ गरेको हो ।
साविकको स्याङ्जा चण्डिकालिका गाविस ५ हाल पुतलीबजार नगरपालिका १४ का ७४ वर्षीय यम प्रसाद पौडेललाई प्रहरीले गोप्य सूचनाका आधारमा पक्राउ गरेको जिल्ला प्रहरी कार्यालय स्याङ्जाका प्रवक्ता एवम् प्रहरी नायव उपरीक्षक राजेन्द्र प्रसाद अधिकारीले जानकारी दिनुभयो ।
२०५४ कात्र्तिक ४ स्याङ्जा जिल्ला अदालतको फैसलाले पौडेललाई कर्तव्यज्यान मुद्धामा १९ वर्ष ६ महिना १२ दिन कैद तोकेको प्रहरीको भनाई छ । अदालतले फैसलासँगै पौडेले लामो समयदेखि फरार रहेका थिए ।
पक्राउ परेका पौडेललाई आजै जिल्ला अदालत समझ पेश गरी कैद भुक्तानी लागि जिल्ला कारागार स्याङ्जा पठाएको प्रवक्ता अधिकारीले बताउनु भयो ।

Facebook Comments Box