बीपीको सम्झनामा माल्यार्पण तथा प्रवचन
वालिङ :
नेपाली काँग्रेसका संस्थापक तथा नेपालको पहिलो जननिर्वाचित प्रधानमन्त्री बीपी कोईरालाको ३९ औं स्मृति दिवस वालिङमा मनाईएको छ ।
नेपाली काँग्रेस वालिङ नगर कार्य समितिको आयोजनामा वालिङ ८ बीपी चोकमा रहेको बीपीको शालिकमा माल्यार्पण तथा प्रवचन कार्यक्रमको आयोजना गरिएको हो ।
कार्यक्रममा बोल्नुहुँदै नेपाली काँग्रेस स्याङ्जाका कार्यबहाक सभापति बुद्धिबहादुर राना कुमारले राष्ट्रको रक्षा तथा राष्ट्रियताका लागि बीपीको विचार र आदर्शको राजनीतिलाई अंगाल्नु आवश्यक रहेको बताए ।
नेता रानाले स्वार्थलाई छाडेर देश र जनताकालागि आँफूलाई उत्सर्ग गर्ने बेला आएकाले महामानव बीपीले देखाएको बाटो हिड्न नेता तथा कार्यकर्ताहरुलाई आग्रह गरे । उनले अहिले पनि बीपीले प्रदिपादन गरेको सिद्धान्तलाई आत्मसात गरेर अगाडि बढ्न सकेमात्रै पनि नेपाली राजनीतिले ठुलो फड्को मार्ने दाबी गरे ।
कार्यक्रममा काँग्रेस महासमिति सदस्य भोजराज अर्यालले बीपीको बिचार अहिले पनि उत्तिकै समय सान्दर्भिक र प्रेरणाको स्रोत भएकाले यसको कार्यान्वयन पक्ष अहिलेको प्रमुख आवश्यकता भएको बताए ।

कार्यक्रममा नेपाली काँग्रेस स्याङ्जाका पूर्व कार्यवहाक सभापति मुक्तिप्रसाद सुबेदी, वालिङ नगर प्रमुख दिलीपप्रताप खाँण, नेपाली काँग्रेस स्याङ्जा क्षेत्र नं. २ क का प्रदेश सभापति अर्जुनप्रकाश अर्याल, नेपाल शिक्षक संघका जिल्ला अध्यक्ष लक्ष्मीप्रसाद रेग्मी, महाधिवेशन प्रतिनिधि लिलबहादुर रनपाल, काँग्रेस जिल्ला कार्य समिति सदस्य लेप्टेन यामबहादुर गुरुङ, नेपाल महिला संघ वालिङ नगर सभापति सरिता पौडेल, नेपाल विद्यार्थी संघ वालिङका सभापति दिक्षान्त खाँण लगायतले बीपीको राजनीतिक र साहित्यिक योगदानकाबारेमा चर्चा परिचर्चा गरेका थिए ।
नेपाली काँग्रेस वालिङ नगर कार्यबहाक सभापति भीमलाल सुबेदीको सभापतित्वमा सम्पन्न कार्यक्रमको सञ्चालन नगर सचिव भुपराज बगालेले र स्वागत वडा नं. ८ का वडा सभापति कमलप्रसाद सुबेदीले गरेका थिए ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


