जापानले नेपाललाई १६ लाख डोज खोप उपलब्ध गराउने ।

काठमाडौं :
जापान सरकारले नेपाललाई १६ लाख डोज कोभिड–१९ विरुद्धको खोप उपलब्ध गराउने भएको छ । जापानले कोभ्याक्समार्फत नेपाललाई अस्ट्राजेनिकाको १६ लाख डोज खोप उपलब्ध गराउने नेपालस्थित जापानी दूतावासले जनाएको छ ।

खोप अगस्ट अन्त्यसम्म जापानबाट नेपाल पठाइसकिने दूतावासद्वारा जारी विज्ञप्तिमा उल्लेख छ । कोभ्याक्सले खरिदको व्यवस्थालाई अन्तिम रूप दिएपछि नेपाल पठाइने तालिकाबारे स्पस्ट थाहा हुनेछ । नेपालका लागि जापानी राजदूत किकुटा युटकले जापानको परराष्ट्र मन्त्रालयलाई धन्यवाद दिँदै खोपले नेपालका नागरिकहरूको जीवन रक्षामा योगदान पुर्याउने विश्वास व्यक्त गर्नुभएको छ । नेपालले भोगेको स्वास्थ्य समस्यामा १६ लाख डोज खोपले केही राहत पुग्ने उहाँको आशा छ ।

 

Facebook Comments Box
TOP