इटालीले जित्यो युरोकप-२०२० ।
एजेन्सि:
इटालीले आइतबार मध्यराति इंग्ल्याण्डलाई उसकै राष्ट्रिय स्टेडियम वेम्बलीमा टाइब्रेकरमा ३–२ ले पराजित गर्दै युरोकप २०२० को उपाधि जितेको छ । । इंग्ल्याण्डको ५५ वर्षदेखि मुख्य प्रतियोगिताको उपाधिको पर्खाइ झन लम्बिएको छ ।
त्यसअघि निर्धारित समयमा १–१ गोलको बराबरी भएको खेलमा अतिरिक्त ३० मिनेटसम्म पनि दुवै टोलीबाट थप गोल हुन नसकेपछि टाइब्रेकर प्रहार गरिएको थियो ।
इंग्ल्याण्ड खेलको सुरुवातमा उपाधितर्फ अग्रसर देखिएको थियो । खेल सुरु भएको दोस्रो मिनेटमै रक्षक लुक शाले गोल गरेपछि वेम्बली स्टेडियममा घरेलु दर्शकले खुसी मनाएका थिए । इटालीले ६७औं मिनेटमा बराबरी गोल फर्कायो । कर्नरमार्फत आएको बललाई मार्को भेर्राट्टीले हेडिङ गरेका थिए । उक्त बल साइड बारमा लागेर फर्कियो । त्यही बललाई गोलमा परिणत गर्दै लियोनार्दो बोनुस्सीले गोल गरेका थिए ।
थप प्रतिस्पर्धात्मक भएको अतिरिक्त समयमा पनि दुवै टोलीले विजयी गोल गर्न सकेनन् । सन् १९६६ मा विश्वकप उपाधि जितेपछि अर्को महत्वपूर्ण उपाधिनजिक पुगेको इंग्ल्याण्ड फेरि असफल भयो ।
टाईब्रेकरमा इंग्ल्याण्डका खेलाडीहरूले पाँचमध्ये तीन प्रहारमा गोल गर्न सकेनन् । मार्कस रासफोर्डले साइट बारमा प्रहार गरे । जाडोन सान्चो र बुकायो साकाको प्रहार इटालीका गोलरक्षक जियनलुइजी डोन्नारुम्माले रोकिदिए ।
हारी केन र हारी मागुइरेले मात्रै गोल गरे । गोलरक्षक जोर्डन पिकफोर्डले इटालीको दुई प्रहार रोकेर टोलीलाई जिततर्फ अग्रसर गराउने प्रयास गरेका थिए । यद्यपि, आफ्नै खेलाडी गोल गर्न चुकेपछि उनको प्रयास सफल भएन ।
पिकफोर्डले इटालीका एन्द्रिया बेलोट्टी र जर्जिन्होको प्रहार रोकेका थिए । डोमेनिको बेरार्डी, बोनुस्सी र फेडेरिको बर्नान्डेचीले गोल गर्दै इटालीको उपाधि निश्चित गरे ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


