गण्डकीमा माओवादी केन्द्रबाट तीन जना मन्त्री थपिए ।

पोखरा:

गण्डकीमा माओवादी केन्द्रबाट तीन जना मन्त्रीको टुङ्गो लागेको छ। बिहीबार बसेको कांग्रेस र माओवादी केन्द्रबीचको बैठकले माओवादीबाट सरकारमा जाने तीन सांसदको टुंगो लगाएको हो ।

माओवादीका सांसद दीपक कोइरालाका अनुसार अर्थमा कास्किका रामजी बराल, कृषिमा बाग्लुङका चन्द्रबहादुर बुढा र वन तथा वातावरणमा स्याङ्गजाका दीपक थापा चर्तिमगरलाई माओवादीले गण्डकी सरकारमा पठाउने निर्णय भएको छ । तीनैजना मन्त्रीको शपथ शुक्रबार दिउँसो १ बजेका लागि तय भएको सांसद कोइरालाले जानकारी दिए । यसअघि माओवादीबाट मधुमाया अधिकारी स्वास्थ्य तथा जनसंख्या मन्त्री भइसक्नुभएको छ ।

Facebook Comments Box