मेलम्चीमा बाढी : ठुलो धनजनको क्षति !

काठमाण्डौ :

अविरल वर्षापछि सिन्धुपाल्चोकस्थित मेलम्ची नदीमा आएको बाढीले ७ जनाको मृत्यु भएको छ भने दजर्नै घर डुबानमा परेका छन।
प्रमुख जिल्ला अधिकारी अरूण पोखरेलअनुसार मंगलबार साँझ आएको बाढीले बगाएर हेलम्बु गाउँपालिकामा ७ जनाको मृत्यु भएको पुष्टि भएको छ।

हेलम्बु गाउँपालिका वडा नम्बर १ का अध्यक्ष मिङमार लामाले मेलम्चीमा आएको बाढीले जनधनको क्षति भएको बताए। अहिलेसम्म वडा नम्बर १ मा ७ जना र वडा नम्बर २ मा ४ जना सम्पर्कबिहीन छन्,’ उनले भने। बाढीले मेलम्ची बजारमा ठुलै क्षति पुर्‍याएको छ। जिल्ला प्रहरीका अनुसार अहिलेसम्म दुई पक्की मोटरबेलसहित आधा दर्जन झोलुंगे पुल र घर बगेको विवरण छ । इन्द्रावती र मेलम्ची जोड्ने मोटरेबल पुल बगेको प्रहरी नायब उपरीक्षक प्रकाश सापकोटाले बताए । हेलम्बुबाटै उर्लिंदै आएको मेलम्चीले आठवटा ट्राउट माछा फर्म, नाकोते पुल, तिम्बु, चनौटे बजार, खेतीयोग्य जमिन, आमाह्योल्मो बसपार्क, सिटी पार्क बगाएको उनले जानकारी दिए ।

घरका छतमा रहेकाहरूको उद्धार गर्न नेपाली सेना र निजी एअरलाइन्सका हेलिकप्टर परिचालन गरीएको छ ।

Facebook Comments Box