स्याङ्जाका १३३ जना सहित गण्डकीमा थप ८३८ जनामा कोरोना पुष्टि, १३७२ संक्रमणमुक्त ।

प्रदेश स्वास्थ्य निर्देशनालयको कोरोना सम्बन्धि दैनिक विज्ञप्ति अनुसार गण्डकी प्रदेशका नौ जिल्लामा संक्रमित थपिएका छन् । जस अन्तर्गत स्याङ्जाका १३३ जना, कास्कीका १५१ जना, तनहुँका ५५ जना, गोरखाका १२७ जना, लमजुङका ७३ जना, नवलपुरका ११७ जना रहेका  छन् ।साथै  बाग्लुङका ११२ जना, पर्वतका ३४ जना,  र म्याग्दी जिल्लाका ३६ जनामा कोरोना पुष्टि भएको विज्ञप्तिमा जनाइएको छ । आज मृत्यु पुष्टि हुने १३ मध्य कास्कीका चार जना, तनहुँका दुई जना, स्याङ्गजाका तीन जना, गोरखाका दुई जना र लमजुङका दुई जना छन् ।

पछिल्लो २४ घण्टामा गण्डकीबाट १३७२ जना कोरोनामुक्त भएका छन् । योसंगै, प्रदेशमा कोरोनामुक्त हुनेको संख्या ३३ हजार २५१ पुगेको छ। आज थपिएकासंगै गण्डकीमा कोरोना संक्रमितको कूल संख्या ४३ हजार ८३५ पुगेको छ । आज मृत्यु पुष्टि भएकासंगै गण्डकीमा कोरोना संक्रमणका कारण ज्यान गुमाउनेको संख्या ७०७ पुगेको ।

Facebook Comments Box