गण्डकी प्रदेशको बजेट: ३० अर्ब ३ करोड ९४ लाख रुपैयाँ ।

पोखरा:

गण्डकी प्रदेशले आगामी वर्षका लागि ३० अर्ब ३ करोड ९४ लाख रुपैयाँ बराबरको बजेट ल्याएको छ। मंगलबार प्रदेश सभामा उक्त बजेट वक्तव्य पेश गरिएको छ । उक्त बजेट चालु आर्थिक वर्षको भन्दा ४ अर्ब रुपैयाँ कम हो।

बजेटमा चालु खर्च १३ अर्ब ६ करोड ४७ लाख रूपैयाँ विनियोजन गरिएको छ भने पुँजीगत खर्च १६ अर्ब ७३ करोड ४६ लाख रूपैयाँ रहेको छ।

सरकारले दिएको अनुदान र राजश्व अनुमानमा आगामी वर्षको बजेटमा ४ अर्ब १० करोड रूपैयाँ न्यून रहेको मुख्यमन्त्री नेपालीले बताए।

आगामी आर्थिक वर्षका लागि नेपाल सरकारबाट वित्तीय समानीकरण अनुदान ७ अर्ब ४२ करोड, सशर्त अनुदान ४ अर्ब १८ करोड, समपूरक अनुदान ८७ करोड, विशेष अनुदान ५४ करोड रहने बजेटमा उल्लेख छ।

यस्तै, राजश्व बाँडफाँटबाट ७ अर्ब ६२ करोड, रोयल्टीबाट ३० करोड, आन्तरिक राजश्वबाट ४ अर्ब ९८ करोड प्राप्त हुने जनाएको छ।

बजेट वक्तव्यमा प्रदेश सरकारले कोरोना संक्रमणबाट अभिभावक गुमाएका सन्तान मासिक ५ हजार भत्ता दिने निर्णय गरेको छ। यस्तै, कोरोना संक्रमणबाट ज्यान गुमाएका व्यक्तिको परिवारलाई ५० हजार रुपैयाँ राहत दिने उल्लेख छ।

Facebook Comments Box
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि

स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…

TOP