असार ७ गतेदेखि बैंकहरुका सबै शाखा खुला हुने ।

काठमाडौं :
असार ७ गतेदेखि बैंकहरुका सबै शाखामा कारोबार खुला हुने कुरा बैंकर्स संघले जनाएको छ ।

यहि ७ गतेदेखि निषेधाज्ञालाई खुकुलो पार्ने सरकारको योजनासँगै संघले बैंकका सबै शाखाको सेवा पूर्ण रुपमा सञ्चालन गर्ने निर्णय गरेको हो ।

कोरोना महामारीका कारण हाल बैंकहरुले सीमित शाखाबाट आलोपालोमा मात्र सेवा दिइरहेका छन् । त्यसैगरी निक्षेप झिक्ने र राख्ने सेवा मात्र सञ्चालनमा छ भने शाखा पनि २ बजेसम्म मात्र सञ्चालनमा छन् ।

अब ५० हजारभन्दा कमको निक्षेप पनि स्वीकार गरिने भएको छ । यसअघि बैकमा भीडभाड बढेको भन्दै राष्ट्र बैंकको सहमतिमा ५० हजारभन्दा कमको निक्षेप नलिने बैंकर्स संघले निर्णय गरेको थियो ।

Facebook Comments Box