स्याङ्जा मुस्लिम युवा क्लवद्धारा मास्क, फेस सिल्ड र सेनीटाइजर प्रदान

भवानी अधिकारी/स्याङजा :
स्याङजा मुस्लिम युवा क्लवले कोरोना भाइरस संक्रमण बारे सचेतना सहित स्वास्थ्य सामाग्री प्रदान गरेका छन् ।
महामारीका रुपमा फैलिएको कोरोना भाइरसबाट आफु बचौं र अरुलाई पनि बचाऔं भन्ने उदेश्यका साथ क्लबले सार्वजनिक तथा मानिसको वढी आवत जावत हुने कार्यालयलाई ती सामाग्री उपलब्ध गराएका हुन ।
क्लवका अध्यक्ष सागिर अलि, महासचिव मुवारक मिया, कोषाध्यक्ष मरियम मिया लगायतको टोलीले जिल्ला प्रशासन कार्यालय, ट्राफिक कर्यालय, मुक्तिनाथ विकास बैंक लिमिटेड, बाडखोला, जिंङदी, सतौं र राङखोलामा पुगेर मास्क वितरण गरेको हुन।

प्रशासन कार्यालयमा ५ हजार वटा मास्क, एक सय वटा फेस सिल्ड सहित ५० लीटर सेनीटाइजर र ट्राफिक कार्यालयमा एक हजार २ सय वटा मास्क, २० वटा फेस सिल्ड र २५ लीटर सेनीटाइजर प्रदान गरेका हुन। यसैगरी, मुक्तिनाथ विकास बैंकमा ४ सय वटा मास्क, १० वटा फेस सिल्ड र ५ लीटर सेनीटाइजर उपलब्ध गराएको अध्यक्ष अलीले जानकारी दिनुभयो ।
हाल काठमाण्डौं निवासी अल मदिना प्लेस होटलका संचालक जनाव समिर खानबाट मास्क, सेनीटाइजर र फेस सिल्ड उपलब्ध भएको स्याङ्जा मुस्लिम युवा क्लवले जनाएको छ।