थप ६९३९ संक्रमित, १०६ जनाको मृत्यु, ७२२६ संक्रमणमुक्त

काठमाण्डौं :

नेपालमा पछिल्लो २४ घण्टामा थप ६९३९ जनामा कोरोना संक्रमण पुष्टि भएको छ ।

गत २४ घण्टामा देशभरका प्रयोगशालामा गरिएको पीसीआर तथा एन्टिजेन परीक्षणमा थप ६९३९ जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।

पछिल्लो २४ घण्टाको अवधिमा देशभरका विभिन्न प्रयोगशालाहरुमा गरी २० हजार ४१४ जनाको आरटी–पीसीआर विधिबाट नमूना परीक्षण गरिएको मन्त्रालयले जानकारी दिएको छ । पीसीआर परीक्षणबाट ६७३१ जनामा संक्रमण पुष्टि भएको हो ।

यस्तै, ७२२६ जना कोरोना संक्रमणमुक्त भएका छन् । योसँगै निको हुनेको संख्या ४ लाख १८ हजार ८२९ पुगेको छ । नेपालमा सक्रिय संक्रमितको संख्या १ लाख १६ हजार ४७६ पुगेको छ ।
त्यसै गरि पछिल्लो २४ घण्टामा देशभर थप १०६ जनाको मृत्यु भएको स्वास्थ्य मन्त्रालयले जानकारि गराएको छ । यो सँगै नेपालमा कोरोनाबाट मृत्यु हुनेको जम्मा संख्या ६९५१ पुगेको छ ।

Facebook Comments Box