गण्डकीमा एकैदिन १३९६ संक्रमित थपिए, सातकाे मृत्यु ।

स्याङ्जा : गण्डकी प्रदेशमा एकैदिन १३ सय ९६ जनामा कोरोना संक्रमण पुष्टि भएको छ ।

प्रदेश स्वास्थ्य निर्देशनालय गण्डकीका अनुसार कास्कीका ८५६ सहित प्रदेशका १० जिल्लामा गरेर शुक्रबार १३ सय ९६ संक्रमित थपिएका हुन् ।

शुक्रबार पर्वतका १६७, तनहुँका ६१, गोरखाका ६०, स्याङ्जाका ५९, म्याग्दीका ५६, नवलपुरका ५४, बागलुङका ५३, लमजुङका २८ र मुस्ताङका २ जनामा पोजेटिभ देखिएको हो ।

यो हालसम्मकै उच्च संक्रमण दर हो । गत २२ वैशाखमा एकै दिन ५७४ जनामा कोरोना पुष्टि भएको थियो । आज थपिएकासहित गण्डकीमा कोराना संक्रमितको संख्या २२ हजार २९६ पुगेको छ ।

शुक्रबार ८६ संक्रमित निको हुँदा कोरोनालाई जित्नेहरु १७ हजार ३८८ पुगेका छन् । संक्रमितमध्ये २४८ जनाको मृत्यु भएको छ ।

यसैबीच, गण्डकी प्रदेशमा थप ७ जना कोरोना संक्रमितको मृत्यु भएको छ । स्वास्थ्य निर्देशनालय गण्डकीले शुक्रबार पर्वतका २, कास्की, म्याग्दी, तनहुँ, दाङ र रुपन्देहीका १/१ संक्रमितको मृत्यु पुष्टि गरेको हो ।

योसहित गण्डकी प्रदेशमा कोरोनाबाट मृत्यु हुनेको संख्या २४८ पुगेको छ । गण्डकीमा कोराना संक्रमितको संख्या २२ हजार २९६ पुगेको छ ।

शुक्रबार ८६ संक्रमित निको हुँदा कोरोनालाई जित्नेहरु १७ हजार ३८८ पुगेका छन् ।

Facebook Comments Box