गण्डकीका थप ८६ जनामा कोरोना पुष्टि

स्याङ्जा : गण्डकीमा ३६१ जनाको नमुना परीक्षण गर्दा शुक्रबार ८६ जनामा कोरोना पुष्टि भएको छ ।

प्रदेश स्वास्थ्य निर्देशनालयद्वारा जारी विज्ञप्ति अनुसार आज गण्डकीका ७ जिल्लाका ८६ जनाको परीक्षण रिपोर्ट कोरोना पोजेटिभ आएको हो ।

जस अन्तर्गत कास्कीमा ६४ जनामा कोरोना पुष्टि भएको छ ।

यस्तै तनहुँका ६ जना, गोरखाका  ५ जना, स्याङ्जाका  ४ जना, पर्वतका  २ जना, बाग्लुङका ३ जना र म्याग्दी जिल्लाका २ जनामा कोरोना पुष्टि भएको निर्देशनालयद्वारा जारी विज्ञप्तिमा उल्लेख गरिएको छ ।

आज पुष्टि भएकासंगै गण्डकीमा कोरोना संक्रमितको कूल संख्या १७ हजार ५ सय ७४ पुगेको छ । जसमा सक्रिय संक्रमितको संख्या ७७३ छ ।

पछिल्लो २४ घण्टामा गण्डकीबाट ३२ जना कोरोनामुक्त भएका छन् । यो संगै, प्रदेशमा कोरोनामुक्त हुनेको संख्या १६ हजार ५ सय ९० पुगेको छ भने, संक्रमणकै कारण गण्डकीमा अहिलेसम्म २११ जनाले ज्यान गुमाइसकेका छन्  ।