वालिङका ३० जना सहित, स्याङ्जामा एकै दिन थपिए ४१ संक्रमित

स्याङ्जा : वालिङका ३० जना सहित स्याङ्जामा एकै दिन ४१ जनामा संक्रमण पुष्टी भएकाे छ ।  वालिङ नगरपालिकाका ३० जना, पुतलीबजार नगरपालिका  र आधीँखोला गाउँपालिकाका ४/४ जना, चापाकोट नगरपालिका २ जना, गल्याङ नगरपालिकाका १ जनामा कोरोना संक्रमण पुष्टि भएकाे हाे ।

वालिङमा बुधवार एकैदिन ३० जना  संक्रमित भएका  वालिङ नगरपालिकाका स्वास्थ्य शाखा प्रमुख कमल प्रसाद पाण्डेले जानकारी दिनुभयाे। उहाँका अनुसार वालिङका संक्रमित हुने अधिकांश व्यक्तिहरु भारतबाट फर्किएका हुन् ।

स्याङ्जामा अहिलेसम्म ९ सय १९ जनामा कोराना संक्रमण  भएकाे छ । जस मध्ये ८ सय २५ जना निको भइसकेकाछन् । जिल्लामा ७६ जना संक्रिय संक्रमित छन्र भने अहिलेसम्म कोरोना संक्रमणबाट मृत्यु हुनेको संख्या १८ पुगेको छ ।