पालिका स्तरीय पुरुष भलिबल प्रतियोगिताको उपाधी गल्कोट नगरपालिकालाई

आँधीखोला समाचार डेस्क आँधीखोला समाचार डेस्क १७ फाल्गुन २०७७, सोमबार १६:२७

भवानी अधिकारी/स्याङजा :

पुतलीबजारमा जारी अन्तर पालिका स्तरीय पुरुष भलिबल प्रतियोगिताको उपाधी गल्कोट नगरपालिकाले जितेको छ । उपाधी जितेसंगै उसले २ लाख नगद सहित बिभिन्न ट्रफी र मेडल जित्न सफल भएको छ । आइतवार भएको फाइनल प्रतियोगितामा गल्कोटले कालीगण्डकीलाई ३— ० को सोझो सेटमा पराजित गरेको हो । योसंगै स्याङजाको कालीगण्डकी गाउँपालिका उपविजेता बनी नगद एक लाख सहित बिभिन्न ट्रफी र मेडल पाएको छ ।

यसैगरी, नवलपरासीको बर्दघाट तेस्रो भएको छ भने स्याङ्जाको चापाकोट नगरपालिका सान्तवना बनेको छ । बर्दघाट र चापाकोटबीच भएको खेलमा वर्दघाटले चापाकोटलाई ३— १ सेटको अन्तरले बिजयी भएको हो । योसंगै बर्दघाटले नगद ५० हजार र चापाकोटले २५ हजार नगद पाउन सफल भएका छन्।

पुतलीबजार नगरपालिका खेलकुद बिकास संजाल स्याङ्जाद्धारा आयोजित प्रतियोगित फागुन ८ गतेबाट शुरु भएको हो । प्रतियोगितामा ६ जिल्लाका १६ टिमको सहभागी थिए ।

यसैगरी, प्रतियोगि खेलाडीलाई पुरस्कार एवं सम्मान गर्दे नगरप्रमुख सीमाकुमारी क्षेत्रीले आजका युवाहरु खेलप्रति बढी आर्कषित देखिएकाले नगरपालिकाले यस्ता गतिबिधिलाई सहयोग गर्दे आएको बताउनुभयो । उहाले स्थानीय तहबाट खेलका गतिबिधि संचालन गर्दे राष्ट्रिय तथा अन्र्तराष्ट्रिय स्तरसम्म खेलाडीलाई सहभागी गराउने नगरपालिकाको लक्ष्य रहेकोमा जोड दिनुभयो । कार्यक्रममा कालीगण्डकी गाउपालिकाका अध्यक्ष खिमबहादुर मानन्धर, पुतलीबजार उपप्रमुख महेश पुरी, नेकपा क्षेत्रीय अध्यक्ष विश्व पौडेल, पुतलीबजार नगरप्रवक्ता ख्यामनारायण अधिकारी, वडाअध्यक्ष निर्मल शेरचन लगायतले मन्तब्य ब्यक्त गर्नुभएको थियो ।

पुतलीबजार खेलकुद बिकास संजाल स्याङ्जाका अध्यक्ष डोलबहादुर मल्लको अध्यक्षतामा सम्पन्न कार्यक्रममा खेल संयोजक राजेन्द्र शर्माले स्वागत एवं संचारकर्मी विक्रम परियारले संचालन गर्नुभएको थियो

Facebook Comments Box
यो पनि पड्नुहोस..  स्थापना दिबसका अवसरमा लियो क्लव वालिङद्धारा बक्तृत्वकला प्रतियोगिता सम्पन्न ।

धेरै कमेन्ट गरिएका