लायन्स र लियोद्वारा विद्यार्थीहरुलाई शैक्षिक सामाग्री वितरण
वालिङ :
लायन्स क्लब अफ वालिङ सिटी तथा लियो क्लब अफ वालिङ सिटीको संयुक्त आयोजनामा शैक्षिक सामग्री वितरण गरिएको छ । वालिङ ११ को बालशिक्षा निकेतन आधारभूत विद्यालयमा विभिन्न शैक्षिक सामग्री वितरण गरिएको हो । बसन्त पञ्चमी अर्थात् सरस्वती पूजा तथा पाईनिअज हायर एजुकेशन एकाडेमीका प्रमुख मेघराज गैह्रेको जन्मोत्सवको अवसर पारेर शैक्षिक सामाग्री बितरण गरिएको हो ।
शैक्षिक सामग्री वितरण कार्यक्रममा बोल्नुहुँदै वालिङ नगरपालिकाका प्रमुख प्रशासकीय अधिकृत जीवन ज्ञवालीले क्लबले सामाजिक क्षेत्रमा रचनात्मक कार्यहरु गर्दै आएको र आगामी दिनमा पनि निरन्तरता दिन आग्रह गर्नुभयो ।
बिगतका दिनहरुमा लायन्स र लियो क्लवहरुले कोभिड १९ को संक्रमणका समयमा खेलेको भूमिकाप्रति खुसी ब्यक्त गर्नुहुँदै आगामी दिनमा पनि सहकार्य गर्दै अगाडि बढ्न सकिने धारणा ब्यक्त गर्नुभयो ।
.

कार्यक्रममा शिक्षा शाखा प्रमुख बाबुराम सापकोटा, कार्यक्रम संयोजक कविता तिवारी गैह्रे, लायन्स क्लव अफ इन्टरनेशनल ३२५ बि १ नेपालका जोन चियर पर्सन देवेन्द्र भट्टराई लगायतले मेघराज गैह्रेले जन्मदिनको अवसर पारेर सामुदायिक विद्यालयमा अध्ययनरत विद्यार्थीलाई शैक्षिक सामग्री सहयोग गरेर थप प्रेरित गर्नुभएकोमा धन्यवाद ज्ञापन गर्नुभएको थियो ।
लायन्स वर्ष २०२०÷०२१ का अध्यक्ष कविता भुसालको अध्यक्षतामा सम्पन्न कार्यक्रममा स्वागत विद्यालय व्यबस्थापन समितिका सदस्य बिमल अर्यालले गर्नुभएको थियो भने समाजसेवी बिष्णुप्रताप खाँणले धन्यवाद र लियो क्लबका अध्यक्ष दिक्षान्तप्रताप खाँंणले सञ्चालन गर्नुभएको थियो । कार्यक्रममा विद्यालयका छात्र छात्राहरुलाई ३० दर्जन कापी, पेन्सिल, वाटर फिल्टर र ४ वटा बल समेत वितरण गरिएको थियो ।
यसअघि मेघराज गैह्रेले वालिङ १० का मिर्गाैलाका बिरामी केशव थापाको उपचारका लागि नगद रु २५ हजार प्रदान गर्नु भएको थियो ।
.

समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


