मुख्यमन्त्री कप भलिबल : स्याङ्जा दोस्रो, उपाधि तनहुँलाई ।

आँधीखोला समाचार डेस्क आँधीखोला समाचार डेस्क ८ फाल्गुन २०७७, शनिबार १८:३३

पोखरा :

प्रथम मुख्यमन्त्री कप गण्डकी प्रदेश स्तरीय भलिबल प्रतियोगिताको पुरुषतर्फको प्रतियोगिता तनहुँले जितेको छ ।

शनिबार पोखरा रंगशालामा भएको फाइनल खेलमा स्याङ्जालाई ३–२ को सेटमा हराउँदै तनहुँले उपाधि जितेको हो ।

फाइनल खेल निकै प्रतिस्पर्धात्मक बनेको थियो । स्याङ्जाले पहिलो सेटमा तनहुँलाई २३–२५ को सेटमा हराएको थियो ।

दोस्रो र तेस्रो सेटमा तनहुँले २५–१७ र २५–२० को जित निकाल्न सक्यो । चौंथो सेटमा भने तनहुँ २५–१७ ले पराजित भयो । अन्तिम सेटमा तनहुँले १५–११ को जित निकाल्दै उपाधि उचाल्यो ।

महिलातर्फको उपाधि भने म्याग्दीले जितेको छ । राष्ट्रिय टोलीकी कप्तान अरुणा शाही र कमला पुन सहभागि म्याग्दीले पर्वतलाई फाइनलमा ३–० को सोझो सेटमा हरायो ।

तनहुँ र म्याग्दीले नगद २÷२ लाख प्राप्त गरे । उपविजेता बनेका स्याङ्जा र पर्वतले नगद १ लाख रुपैयाँ प्राप्त गरे ।

प्रतियोगितामा ९ टोलीको सहभागिता थियो । गोरखा र मनाङले प्रतियोगितामा विविध कारण देखाउँदै नाम निकालेका थिए ।

Facebook Comments Box
यो पनि पड्नुहोस..  आजदेखि कक्षा १२ को परीक्षा - चार लाख ३२ हजार विद्यार्थी सहभागी हुँदै

धेरै कमेन्ट गरिएका